Հոկտեմբերի 1-ից Հայաստանում գործող նոր կարգավորումների համաձայն գրանցված բոլոր աշխատողները աշխատանքի պետք է ներկայանան կա՛մ պատվաստված, կա՛մ ՊՇՌ թեստի բացասական արդյունքը հավաստող փաստաթղթով։ Իհարկե այս որոշումը քաղաքացիների կողմից ընդունվեց ոչ միանշանակ, մասնավորապես, մարդկանց անհնագստացնում էր այն հանգամանքը, որ ՊՇՌ թեստերը պետք է հանձնեն իրենց իսկ ֆինանսական միջոցներով։Նշենք, որ կառավարությունը փորձում է որոշումը իրականացնել օրենքի ուժով, այս պահին քննարկվում է Աշխատանքային օրենսգրքում փոփոխություններ կատարելու հարցը, որպեսզի որոշումը հակաօրինական չհամարվի։
Medmedia.am-ը թեմայի իրավաչափության շուրջ զրուցել է փաստաբան Սուսաննա Սարգսյանի հետ։
Ինչու՞ որոշեցին ՀՀ Աշխատանքային օրենսգրքում փոփոխություններ անել, ո՞րն է դրա նպատակը, կարելի՞ է այս որոշումը հուսահատական ճիչ համարել։
Փաստաբան-Միանշանակ սա հուսահատության ճիչ է: Գաղտնիք չէ , որ այս իշխանության առողջապահության ոլորտի գլխին որպես պատուհաս բերված նախախարները մեղմ ասած վստահություն չեն ներշնչում և նրանք չեն կարող ժողովրդին հավաստիացնել, որ իրենց կողմից ձեռնարկվող քայլերը միտված են ազգաբնակչության առողջության պահպանմանը: Փաստացի ստացվում է, որ ժողովուրդը իր կյանքն ու առողջությունը պետք է զոհաբերի, որ նախարարը կարողանա կառչած մնալ իր նախարարական աթոռից: եթե Ավանեսյանը չկարողանա շատ մոտ ժամանակներում լուծել իր առջև դրված պատվաստումների համապատասխան քանակի խնդիրը, կարծում եմ շատ շուտով կունենանք նոր պատուհաս` նոր նախարարի դեմքով:
Ինչի՞ն են միտված այս ճնշումները։
Փաստաբան-Այս ճնշումները, որոնք անմիջապես հարվածում են քաղաքացու գրպանին, միտված են ՀՀ ներկրված, սակայն մի շաքր երկրների կողմից մերժված «կենարար» պատվաստանյութերը հնարավորինս արագ սպառելու և միջազգային պառտնյոռներին հաշվետու լիենլուն: Իսկ թե այս ժողովրդի առողջության դեմ ուղղված արշավը ինչ հետևանքներ կունենա կարծում եմ ականատեսը կլինենք շատ շուտով, եթե իհարկե այս պատվաստանյութերի բացասական արդյունքները չքողարկեն մեկ այլ, նոր ի հայտ եկող համաճարակի քողի տակ: Մնում է միայն հույսներս դնենք մեր ժողովրդի ողջախոհության ու իրենց առողջության հաշվին նախարարին իր աթոռին պահելու մղումներից զերծ մնալու վրա:
Ս․ Ասատրյան