Ֆինլանդիան դադարեցրել է երիտասարդ տղամարդկանց պատվաստել Moderna ընկերության Spikevax պատվաստանյութով՝ խուսափելու համար կողմնակի ազդեցությունից։ Այս մասին գրում է Armenia today-ը`հղում կատարելով РИА Новости-ին։
Վերջինիս փոխանցմամբ՝ այս մասին մամուլի ասուլիսի ժամանակ հայտնել է Ֆինլանդիայի Առողջապահության ազգային ինստիտուտի և սոցիալական ապահովության ներկայացուցիչ Մարկ Սալմինենը։
«Ապագայում Moderna-ի Spikevax պատվաստանյութով ցանկալի չէ պատվաստել տղաներին և մինչև 30 տարեկան տղամարդկանց։ Փոխարենը նրանց համար կօգտագործվի Biontech-Pfizer պատվաստանյութը, նույնիսկ եթե նրանք արդեն իսկ ստացել են Moderna պատվաստանյութի առաջին դեղաչափը։ Այդ պատվաստանյութը ստացած մինչև 30 տարեկան տղամարդկանց շրջանում ավելի հավանական է Միոկարդիտի տարածումը»,-նշել է նա։
Ֆինլանդիայում Կորոնավիրուսի դեմ ամբողջությամբ պատվաստվել է բնակչության 72%-ը, իսկ առաջին դեղաչափը ստացել է բնակչության 84%-ը։
Շվեդիայում և Դանիայում ևս դադարեցրել են այդ պատվաստանյութով պատվաստումները՝ կապված սրտի հավանական հիվանդությունների զարգացումով։
Թարգմանությունը՝ Medmedia.am-ի