Մարիխուանա ծխողների երեխաներն ավելի հաճախ են հիվանդանան սուր շնչառական վարակներով: Այդ մասին է վկայում Կոլորադոյի Wake Forest Medicine School of School-ի մասնագետների հետազոտությունը, որը հրապարակվել է Pediatric Research-ում:
Հետազոտողները ստուգել են, թե ինչպես է պասիվ մարիխուանա ծխելը կապված խնդիրների հետ, որոնք առավել հաճախ հանդիպում են ծխախոտ ծխողների երեխաների մոտ: Նրանք գնահատել են, թե որքան հաճախ են երեխաները ընկնում հիվանդանոց, տառապում ասթմայով, ականջաբորբով եւ սուր շնչառական վիրուսային վարակներով:
Medportal.ru-ի փոխանցմամբ՝ հետազոտությունը ցույց է տվել, որ այն մարդկանց երեխաները, ովքեր պարբերաբար մարիխուանա են օգտագործում, վերջին մեկ տարվա ընթացքում միջինում 1.31 անգամ ՍՇՎ են տարել: Բոլորովին չծխողների խմբում երեխաները 12 ամսվա ընթացքում միջինում 1.1 անգամ են ՍՇՎ տարել: Ծխախոտ ծխող ծնողների երեխաների մոտ ցուցանիշները մոտավորապես նույնն էին:
Միեւնույն ժամանակ, այն երեխաները, ում ծնողները եւ խնամակալները մարիխուանա էին ծխում, չունեին այն խնդիրները, որոնց բախվում էին ծխախոտ ծխողների երեխաները: Վերջիններս տարվա ընթացքում ավելի հաճախ էին այցելում հիվանդանոցների ընդունման բաժանմունքներ, տառապում բրոնխային ասթմայով եւ սուր ականջաբորբով:
