Ալցհեյմերի հիվանդությունը եւ դեմենցիայի այլ տեսակները վատթարացնում են կորոնավիրուսային վարակի ընթացքը եւ մեծացնում հիվանդի մահվան ռիսկը: YouTube-ում հասանելի դասախոսության ժամանակ նման կարծիք է հայտնել Ռուսաստանի գեորոնտոլոգիական հետազոտությունների եւ կլինիկական կենտրոնի նյարդաբան Էլեն Մխիթարյանը:
Ըստ մասնագետի` 2020 թվականին Ալցհեյմերի հիվանդությամբ եւ դեմենցիայի այլ տեսակներով տառապող հիվանդները 42000 անգամ ավելի հաճախ են մահացել, քան վերջին 5 տարվա ընթացքում: Հնարավոր է, որ դրա վրա մեծապես ազդել է կորոնավիրուսային համավարակը: Բժիշկը հիշեցրել է, որ տարեց մարդիկ առավել հաճախ են տառապում Ալցհեյմերի կամ Պարկինսոնի հիվանդությամբ: Նրանց մոտ կորոնավիրուսն ավելի ծանր է ընթանում, քանի որ ուժեղ ազդեցություն ունի ծայրամասային նյարդային համակարգի վրա:
«Լինելով հաշմանդամության եւ նույնիսկ մահվան պատճառ՝ դեմենցիան ֆիզիկական, հոգեբանական, սոցիալական եւ տնտեսական ազդեցություն ունի ոչ միայն հիվանդների, այլ նաեւ նրանց խնամողների, ընտանիքների եւ հասարակության վրա»,- իր հերթին ասել է բժշկական գիտությունների թեկնածու Ալեքսանդր Ռոզանովը:
