Այն ինչ տեղի է ունենում կոնկրետ կենտրոնի, կոնկրետ անձանց հետ, չեմ ցանկանա շատ մեկնաբանել, որովհետև եղել է առողջապահության նախարարի լիազոր մարմնի հրաման, այն է՝ փոխել ՁԻԱՀ-ի կանխարգելման հանրապետական կենտրոնի տնօրեին, ով հրաժարվել է կատարել կառավարության որոշման պահանջները․ բազմաթիվ անգամներ չի տրամադրել փաստաթղթեր և չի իրականացրել կառավարության որոշման պահանջը, որոնցից մեկն է կենտրոնների միացումը։
Այս մասին փետրվարի 27-ին կառավարության նիստից հետո լրագրողների հետ ճեպազրույցի ընթացքում խոսել է Առողջապահության նախարար Արսեն Թորոսյանը։
Ըստ նախարարի՝ որոշ անձանց այն պնդումը, որ տեղի է ունենում համակարգի ոչնչացում, դա խոսում է մանիպուլացիաների մասին։
«Շատ լավ պատկերացնում եմ ՄԻԱՎ/ՁԻԱՎ-ի դեմ պայքարի բոլոր միջոցառումները և այդ թվում նաև գիտեմ այդ համակարգում եղած անձանց շատ այլ շահերի մասին։ Ուստի այն գործընթացները, որոնք սկսել են, պետք է հասցնենք իրենց տրամաբանական ավարտին»,-ասաց նա։
