Ավելի ու ավելի շատ կանայք են ցանկանում են երեխաներ ունենալ 40 տարեկանից հետո, սակայն այդ ծրագրերին կարող է խանգարել վաղ դաշտանադադարը: Արդյունքները, որոնք ներկայացվել են ոչ մեծ ուսումնասիրության մեջ, որը 2021 թվականի մարտին հրապարակվել է Menopause ամսագրում, ցույց են տվել, որ փորձարարական բուժումը կարող է օգնել վերականգնել այս կանանց վերարտադրողականությունը:
Հետազոտողները թրոմբոցիտներով հարուստ պլազմա եւ գոնադոտրոպիններ են ներարկել ձվարանների ֆոլիկուլների մոտակայքում՝ վաղ դաշտանադադար ունեցող կանանց մոտ ձվարանների գործառույթը եւ դաշտանը վերականգնելու համար:
«Սա կարող է բուժման այլ սցենար ապահովել վաղ դաշտանադադար ունեցող եւ ձվարանների մոտալուտ անբավարարություն ունեցող կանանց համար եւ նրանց հղիանալու լավագույն հնարավորություն տալ՝ օգտագործելով սեփական ձվաբջիջները»,- ասում է մանկաբարձության եւ գինեկոլոգիայի բաժանմունքի բժիշկ, բժշկական գիտությունների դոկտոր Չաո-Չին Սյուն:
Դաշտանադադարի բժշկական սահմանումը մեկ տարվա ընթացքում դաշտանադադարի բացակայությունն է: 40-45 տարեկանում դաշտանադադարը կոչվում է վաղ դաշտանադադար, եւ դա տեղի է ունենում կանանց գրեթե 5-7%-ի մոտ: Իսկ մինչեւ 40 տարեկան դաշտանադադարը համարվում է վաղաժամ: Կանանց գրեթե 1-2%-ը բախվում է այս խնդրին:
Սակայն այս ցուցանիշը կարող է իջեցվել, քանի որ երբեմն վաղաժամ դաշտանադադարը կարող է «թաքնված» լինել, եթե երիտասարդ կանայք հակաբեղմնավորիչ հաբեր են օգտագործում:
Հետազոտության մեջ ընդգրկվել են վաղ դաշտանադադար ունեցող 12 կանայք, որոնց միջին տարիքը 44 է եղել: Բոլոր կանանց մոտ առնվազն մեկ տարի արյունահոսությունը դադարել է, իսկ դաշտանադադարի կարգավիճակը հաստատվել է արյան նմուշներով: Հետազոտողները նրանց ձվարանների մեջ թրոմբոցիտներով հարուստ պլազմա եւ գոնադոտրոպիններ են ներարկել, որպեսզի պարզեն, թե հնարավոր է արդյոք վերականգնել ձվարանների գործառույթը: Բժիշկ Հսուի խոսքով՝ բուժումից հետո հետազոտության 12 մասնակիցներից 11-ի մոտ վերականգնվել է օվուլյացիոն ֆունկցիան եւ վերսկսվել է դաշտանը:
