Կորոնավիրուսի հետևանքով մահացածների թիվն աշխարհում հասել է 3. 000 225 մարդու: Այս մասին են վկայում Ջոն Հոփկինսի համալսարանի գնահատականները, որոնք հիմնված են դաշնային և տեղական իշխանությունների տեղեկատվության վրա:
Աշխարհում ընդհանուր առմամբ կորոնավիրուսով վարակվել է 193. 963 964 մարդ, բուժվել է 79. 739 004 վարակված:
Ամենաշատ թվով զոհերը՝ 566 224 մարդ, գրանցվել է ԱՄՆ-ում, որտեղ վարակվածների ընդհանուր թիվը հասել է 31. 575 640-ի:
Զոհերի թվով երկրորդ տեղը զբաղեցնում է Բրազիլիան (368 749 մահացած, 13 832 455 վարակվածության դեպք), երրորդ տեղում Մեքսիկան է, որտեղ գրանցվել է 211 693 մահ և 2 299 939 վարակման դեպք: Այնուհետ Հնդկաստանն է՝ 175 649 մահով և Մեծ Բրիտանիան՝ 127 472 մահով: