Մարզային առողջապահական համակարգի արդիականացման ծրագրի շրջանակներում նախատեսվել է ՀՀ Սյունիքի մարզի Սիսիանի բժշկական կենտրոնի վերակառուցումը (շուրջ 3010քմ), կցակառույցի կառուցում (շուրջ 1412 քմ) և հագեցումը ժամանակակից բժշկական սարքավորումներով։
Առողջապահության նախարարությունից NEWS.am-ին հայտնում են, որ արդյունքում, 39 մահճակալ հզորությամբ բազմաֆունկցիոնալ կենտրոնը՝ միջազգային արդի բոլոր չափանիշներին համապատասխան, ախտորոշիչ և բուժական ստացիոնար ու ամբուլատոր ծառայություններ իրականացնելու լայն հնարավորություններով, կսպասարկի մարզի բնակչությանը։
Մահճակալների թիվը` 39 (ինտենսիվ 5, անհետաձգելի բուժօգնության 2 մահճակալ):
Սիսիանի նոր ԲԿ-ն կազմված կլինի 2 մասնաշենքից:
Կունենա մի քանի բաժանմունք.
- թերապևտիկ
- մանկական
- շտապօգնության
- ինտենսիվ թերապիայի
- ախտորոշման
- մանկաբարձագինեկոլոգիական
- ինֆեկցիոն
- վիրաբուժական:
Վերակառուցված կենտրոնը կմատուցի նաև ամբուլատոր պոլիկլինիկական ծառայություններ:
