ԱՄՆ-ում COVID-19-ից հետո բարդացումներով երեխաների 75 տոկոսը չի ունեցել ախտանիշներ հիվանդության ժամանակ: Այս մասին ասվում է JAMA Pediatrics-ում հրապարակված նոր ուսումնասիրության մեջ:
Ինչպես հայտնում է Medportal ru-ն, երեխաների մոտ բազմահամակարգային բորբոքային սինդրոմի ախտանիշները (MIS-C) հիշեցնում են Կավասակի հիվանդություն: Այս հիվանդությունը զարգանում է SARS-Cov-2- ով վարակվելուց մի քանի շաբաթ անց:
Այն բնութագրվում է նաեւ ուժեղ ջերմությամբ, որովայնի ցավերով, կարմրած աչքերով եւ մաշկի ցանով:
Ուսումնասիրության ընթացքում փորձագետները վերլուծել են մինչեւ 20 տարեկան պացիենտների տվյալները, նրանց մեծ մասը (մոտ 86%) 15 տարեկանից ցածր: Բոլորն էլ բնորոշ ախտանիշներով հոսպիտալացվել են կորոնավիրուսից 2-5 շաբաթ անց:
Հետաքրքիր է, որ պացիենտների միայն մեկ քառորդն է (24.7%) ունեցել մեղմ ախտանիշներ, մյուսները հիվանդությունը տարել են առանց ախտանիշների: Սակայն բոլոր նրանք հոսպիտալացվել են MIS-C-ի հատկաշնիներով լիարժեք վերականգնումից 2-5 շաբաթ անց:
Երեխաների ավելի քան 90%-ի մոտ բորբոքային համախտանիշն արտահայտվել է առնվազն չորս օրգանային համակարգերի ախտանիշներով, 58%-ի համար պահանջվել է հոսպիտալացում վերակենդանացման բաժանմունքում: Հիվանդների գրեթե մեկ երրորդը (31%) սրտի անբավարարության նշաններ է ունեցել, 51%-ի արյան ճնշումը իջել է կրիտիկական մակարդակի: Գրեթե յուրաքանչյուր չորրորդ զոհը ունեցել է հեղուկի չափազանց մեծ կուտակում սրտի շրջանում, իսկ 17% ը ունեցել է սրտի մկանների բորբոքման ախտանիշներ (միոկարդիտ):
