Գլխավոր էջ Նորություններ Դեղերի Եվրոպական գործակալությունը հաստատում է AstraZeneca-ի և թրոմբոզի միջև կապը

Դեղերի Եվրոպական գործակալությունը հաստատում է AstraZeneca-ի և թրոմբոզի միջև կապը

175
0

Դեղերի Եվրոպական գործակալությունը (EMA) հաստատել է AstraZeneca պատվաստանյութի ընդունման և թրոմբոզի դեպքերի միջև կապը: Այս մասին իտալական Il Messaggero թերթին տված հարցազրույցում ասել է EMA-ի բարձրաստիճան պաշտոնյա Մարկո Կավալերին, որը վերահսկում է պատվաստումների խնդիրները:

Կավալերին ասել է, որ փորձագետները դեռ գնահատում են շվեդ-բրիտանական պատվաստանյութի օգտագործման հետ կապված սպառնալիքները: Այս աշխատանքը սկսվել է AstraZeneca պատվաստանյութով պատվաստումից հետո մահվան դեպքերից հետո, երբ մահացածների մոտ հայտնաբերել են թրոմբոզի նշաններ: Այս մասին գրում է Euronews-ը։

«Իմ կարծիքով, արդեն հիմա կարող ենք վստահորեն ասել՝ պատվաստանյութի հետ կապ կա: Բայց ինչն է առաջացնում նման արձագանքը (թրոմբների առաջացումը), մենք դեռ չգիտենք: Ըստ ամենայնի, այժմ գլխավորը, որի վրա պետք է կենտրոնանալ, գլխուղեղի թրոմբոզն է՝ անբավարար թրոմբոցիտներով»,-ասել է Մարկո Կավալերին։

Դեղերի Եվրոպական գործակալության պատվաստումների ռազմավարության վարչության պետ Կավալերին ասել է, որ Դեղերի եվրոպական գործակալությունը AstraZeneca պատվաստանյութի անվտանգության վերաբերյալ նախնական արդյունքները կներկայացնի այս շաբաթ: Միևնույն ժամանակ, կարգավորիչը դեռ հանձնարարականներ չի տալիս այս դեղը ընդունելու տարիքային սահմանափակումների վերաբերյալ։ Մի շարք երկրներում դրա օգտագործումը թույլատրվում է միայն տարեց մարդկանց համար: Ամեն դեպքում, ընդգծում է պաշտոնյան, փորձագետները շարունակում են վստահ լինել, որ պատվաստումների օգուտները գերազանցում են հայտնի ռիսկերը, ներառյալ թրոմբոզի սպառնալիքը:

Բրիտանական դեղերի գործակալությունը պնդում է, որ Միացյալ Թագավորության իշխանությունները պետք է շարունակեն պատվաստել երկրի բնակիչներին AstraZeneca պատվաստանյութով՝ չնայած EMA-ի հայտարարությանը:

Շվեդական-բրիտանական պատվաստանյութի օգտագործման վտանգների և ԵՄ-ում աճող անվստահության մակարդակի մասին հաղորդագրությունների ֆոնին, Դեղերի Եվրոպական գործակալությունը համաձայնեց AstraZeneca-ն վերանվանել Vaxzevria:

ԹՈՂՆԵԼ ՊԱՏԱՍԽԱՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ