Հերպեսը վիրուսային ինֆեկցիա է, որը ախտահարում է լորձաթաղանթն ու մաշկի արտաքին ծածկույթը: Շատերին ծանոթ է շուրթերի տարածքում փոքր պղպջակների տեսքով հայտնված ցանը: Հիմնականում վիրուսն արտահայտվում է հենց այդպես, որը բնորոշ է 1-ին տեսակի հերպեսին:
Սակայն վիրուսի վտանգավոր տեսակները, որոնք առաջացնում են տարբեր տեսակի հիվանդություններ 8-ն են: Շատերը դրսևորվում են ոչ թե մարմնի տարբեր հատվածներում արտահայտված ցանի տեսքով, այլ մրսածության հիվանդությամբ ու բրոնխիտով, Էպշտեյն-Բարրի վիրուս տեսքով ու առաջացնում են ինֆեկցիոն մոնոնուկլեոզ:
Վիրուսային ինֆեկցիայի առաջացման պատճառները
Ներկա դրությամբ երկրագնդի գրեթե ողջ բնակչությունը վարակված է այդ վիրուսով: Անգամ, եթե մարդու մոտ երբեք չի նկատվել հիվանդության դրսևորում, չի կարելի վստահորեն ասել, որ այն առկա չէ մարդու օրգանիզմում: Վիրուսը հեշտորեն փոխանցվում է սերտ շփման միջոցով՝ սեքսի, համբույրի, ձեռքսեղման ու այլ:
Հայտնվելով օրգանիզմում, այն հաստատվում է նյարդային բջիջների վրա, որտեղ այն բուժել հնարավոր չի լինում արդեն: Այդ պատճառով այն համարվում է անբուժելի հիվանդություն, սակայն դա չի նշանակում, որ այն չի կարելի ճնշել:
Այսօր գոյություն ունեն հերպեսի բուժման բավականին արդյունավետ մեթոդներ, որոնք կարող են այն քնեցնել երկար ժամանակով:
Ինչպես մեկնդմիշտ ազատվել հերպեսից
Հերպեսի համալիր ու ժամանակակից բուժումը ենթադրում է հակավիրուսային ու իմունախթանիչ թերապիայի ազդեցությամբ դեղամիջոցների ընդունում:
1-ին թերապիան կարող է ճնշել վիրուսը, նվազեցնել վերջինիս դրսևորումն ու ազատել հնարավոր բարդացումներից: Վիրուսի յուրաքանչյուր տեսակի համար գոյություն ունի առանձին դեղամիջոց, սակայն առավել հաճախ ընդունում են արդյունավետ ացիկլովիր դեղամիջոցը:
2-րդ թերապիան ուղղորդված է մարդու իմունային համակարգի կարգավորմանը, չէ որ վիրուսն արտահայտվում է այլ հիվանդությունների, երբեմն տաք եղանակի գերջերմացման ժամանակ իմունային համակարգի նվազմաբ: Այդ դեպքում օգնում են այնպիսի դեղամիջոցներ ինչպիսիք են՝ ցիկլոֆերոնը կամ լիկոպիդը:
Համապատասխան ժամանակակից ու արդյունավետ դեղամիջոցներն ունեն տարբեր դեղաձևեր՝ հաբեր, քսուքներ, կամ ներարկման համար լուծույթներ: Դրանք կիրառվում են կախված վիրուսի տեսակից: Օրինակ շուրթերի վրա հայտնված ցանի դեպքում նպատակահարմար է օգտագործել քսուքը, որպեսզի չորացնել պղպջակները, ազատել քորից ու բորբոքումից:Նման քսուքների շարքին են դասվում ացիկլովիրն ու զովիրակսը: Այդ միջոցների օգտագործումը կօգնի արագ ազատվել հերպեսից: Բացի այդ, համալիր թերապիայի դեպքում տարբեր դեղամիջոցների համադրումը կարող է հանդիսանալ հերպեսի բուժման ամենարդյունավետ տարբերակը:
