« Շուտով կավարտվի փետրվար ամիսը, արդեն մոտ մեկ ամիս է, ինչ որոշ ծննդատներ առանց ֆինանսավորման շարունակում են աշխատել և ծնունդներ ընդունել: Իսկ ԱՆ-ից դեռ ոչ մի արձագանք: Այս ամբողջ պատմության պատճառը և
առանցքը ֆինանսական է և այստեղից բխած բուժհիմնարկների՝ այդ թվում ծննդատների շուտափույթ օպտիմալացման ցանկությունը: Ասում են «առողջությունն անգին է», բայց նաև այսօր այն թանկ է:
Մինչ օրս որևէ ֆինանսական սխեմա չի ներկայացվել այդ ծննդատների համար: Առողջապահությունն այն ոլորտն է, որտեղ առավելագույն տեղաբաշխումը, դրա աղբյուրը և կայունությունը, մշտադիտարկումը և թափանցիկությունը խիստ անհրաժեշտ են: Մեծ հաշվով, առողջապահության ընդհանուր բյուջեն որոշելու համար պետք է մանրակրկիտ կերպով ուսումնասիրել միջոցները, սկզբունքները և օգուտները` միշտ հաշվի առնելով բարոյագիտական խնդիրները, որոնք կարող են առաջանալ առողջապահական ոլորտին ռեսուրսներ հատկացնելիս: Այ հենց այդպիսի բարոյագիտական մի խնդիր էլ Աչաջուր ԱԿ-ի ծննդատան լուծարումն է:
Առողջապահության նախարարությունը պարտավոր է քաղաքականություն մշակելու և առաջնահերթություններ սահմանելու, հատկապես, առանձնակի ուշադրություն դարձնելով երկրի անվտանգության հարցերում մեծ ներդրում ունեցող մարդկանց կյանքն ու գոյությունը, որում հենց մեծագույն դերակատարություն ունի նաև Աչաջրի ծննդատունը:
Եվ այո, քանի որ Ան-ն չի ցանկանում լուծելու բոլոր այն խնդիրները որոնք կան Աչաջուր ԱԿ- ում, կան շատ հայրենասեր մարդիկ, ոքեր իրենց ուսերին կվերցնեն այդ ազգասեր և ազգանվեր գործը»:
Գրառումը Նունե Ներսիսյանի Facebook-ի էջից։