Կորոնավիրուսից պաշտպանվելու համար բժշկական դիմակներ կրելը չի կարող ատամների քայքայման կամ լնդերի հիվանդության հանգեցնել: Նման կարծիք է հայտնել ատամնաբույժ Իրինա Օրջոնիկիձեն (Ռուսաստան):
Ըստ նրա` պաշտպանության այդպիսի միջոցների օգտագործման միակ բացասական հետեւանքը կարող է թքի պակասը լինել, փոխանցում է «Մոսկվան է խոսում» ռադիոկայանը: Միայն դիմակը երկար կրելու դեպքում, ըստ նրա, բերանի լորձաթաղանթը կարող է չորանալ: Սակայն նույնիսկ այս դեպքում բավական է ջուր խմել կամ մաստակ ծամել, գերադասելի է` առանց շաքարի, որպեսզի թուք սկսի արտադրվել:
Օրջոնիկիձեն նշել է նաեւ, որ բերանի խոռոչի պատշաճ խնամքի եւ ատամնաբույժի կանոնավոր այցելության դեպքում դիմակ կրելը չի վնասի ոչ ատամների, ոչ էլ լնդերի առողջությանը:
