Կորոնավիրուսը, որով վարակվում են մարդիկ, կարող է 9 օր պահպանել իր ակտիվությունը տարբեր մակերեսների վրա: Համեմատության համար՝ կարմրուկի վիրուսը աղտոտված իրերի վրա ապրում է ընդամենը երկու ժամ: Կենդանական կորոնավիրուսի որոշ տեսակներ պահպանվում են ավելի քան 28 օր: Վիրուսների «կյանքը երկարաձգում են» ցածր ջերմաստիճանն ու խոնավության բարձր մակարդակը:
Կորոնավիրուսի տարածումը կանխելու համար մասնագետներն առաջարկում են մանրակրկիտ ձևով ախտահանել մակերեսները էթանոլի լուծույթով, ջրածնի պերօքսիդով կամ նատրիումի հիպոքլորիդով: Պարտադիր պայման է համարվում նաև ձեռքերը հաճախ լվանալը: