Փետրվարի 10-ին ՁԻԱՀ-ի կենտրոնի աշխատակիցները բաց հրավերով դիմել էին ՄԻԱՎ/ՁԻԱՀ-ի ոլորտը համակարգող ՀՀ առողջապահության նախարարի տեղակալ Լենա Նանուշյանին՝ առաջարկելով փետրվարի 13-ին ժամը 14.00-ին ՁԻԱՀ-ի կենտրոնի դահլիճում անցկացնել ՁԻԱՀ-ի կենտրոնը «Նորք» ինֆեկցիոն կլինիկական հիվանդանոցին միացնելու հետ կապված մասնագիտական քննարկումներ:
Քանի որ այդ կապակցությամբ աշխատակիցները մերժում չէին ստացել, հուսով էին, որ մասնագիտական քննարկումը, ի վերջո, կկայանա: Հերթական անգամ նախարարության պատասխանատուները խուսափեցին ՁԻԱՀ-ի կենտրոնի մասնագետների հետ հանդիպումից և նրանց հարցերին պատասխանելուց:
Չնայած առողջապահության նախարարության ներկայացուցիչների բացակայությանը, ՁԻԱՀ-ի կենտրոնի աշխատակիցները, ՄԻԱՎ-ով ապրող մարդիկ խնդրո առարկայի վերաբերյալ իրենց մտահոգությունները ներկայացրին քննարկմանը մասնակից լինելու ակնկալիքով ՁԻԱՀ-ի կենտրոն եկած լրատվամիջոցին: