Բրիտանացի գիտնականները պարզել են՝ մարդու ձեռագիրը պարունակում է արժեքավոր տեղեկատվություն սեփական անձի առողջության մասին։ Այս մասին գրում է Med2.ru-ն։
Թղթի վրա գրվածը կարող է հուշել մի շարք հիվանդությունների, ներառյալ՝ Ալցգեյմերի և Պարկինսոնի հիվանդությունների մասին։ Յուրաքանչյուր մարդ ունի իր սեփական եզակի ձեռագիրը։ Եթե հավատանք այս հետազոտության հեղինակներին, ապա պետք է ասենք, որ ձեռագիրը պարունակում է թանկարժեք տեղեկություն առողջության մասին։
Գիտնականները հավատացնում են՝ մարդու ձեռագրի բնութագրերից ելնելով կարող ենք հայտնաբերել այնպիսի հիվանդություններ ինչպիսիք են հիպերտոնիան, շիզոֆրենիան, Պարկենսոնը և ծերունական դիմենցիան։ Մասնագետները ձեռագրի միջոցով կարող են բացահայտել ավելի քան 5000 բնավորության գծեր գրված տառերի ձևի միջոցով։ Ձեռագրի մի քանի առանձնահատկություններ խոսում են առողջության մասին։
Օրինակ, եթե մարդը տառերը գրում է ճնշման տակ՝ մի քանիսը ավելի վստահ, մյուսները՝ ոչ այդքան, ապա դա բարձր ճնշման համախտանիշն է։ Ալցգեյմերի հիվանդության ժամանակ թուլանում են ուղեղի մտածող կենտրոնները, ինչի պատճառով մարդը դառնում է անհասկանալի, իսկ բառերն անընթեռնելի։ Դրանից բացի բառեր գրելու արագությունը դանդաղում է, այսինքն մարդը սկսում է գրել ավելի դանդաղ, քան սովորաբար։ Եթե թղթի վրա տողերը բարձրանում են վերև, կամ իջնում են նեքրև, ապա դա կարող է խոսել շիզոֆրենիայի մասին։
Ձեռագրով կարելի է որոշել նաև Պարկենսոնի հիվանդությունը։ Նյարդային խանգարում ունեցողները, որպես կանոն, օգտագործում են շատ փոքր տառեր, այնքան փոքր, որ անգամ իրենք չեն կարողանում կարդալ։ Եվ վերջապես, ձեռագրով կարելի է որոշել մարդու էներգետիկ դաշտը։ Եթե բառը թղթի վրա գրվել է շատ մեծ ուժով, և այն հնարավոր է կարդալ անգամ հակառակ կողմից, դա վկայում է էներգետիկ դաշտի ուժգնության մասին։ Թույլ էներգիայով մարդկանց դեպքում հակառակ պրոցեսն է զարգանում, և նրանց գրած բառերը հազիվ են երևում թղթի վրա։
Աննա Գալուստյան