Հայաստանի երրորդ նախագահ Սերժ Սարգսյանը կորոնավիրուսով վարակվելու պատճառով հունվարի 17-ից գտնվում է կարանտինի մեջ և հունվարի 28-ին չի այցելի «Եռաբլուր», հայտնում է News.am-ը՝ նախագահի գրասենյակին հղումով:
Սարգսյանի գրասենյակից նշել են, որ երրորդ նախագահը հետաձգել է իր բոլոր հանդիպումներն ու այցելությունները։
Գրասենյակից հայտնել են նաև, որ Սարգսյանի ինքնազգացողությունը լավ է, ապաքինվում է տանը, վիրուսը հաղթահարում է առանց բարդությունների:
Սերժ Սարգսյանի անունից հունվարի 28-ի առավոտյան ծաղկեպսակ է դրվել Եռաբլուրում:
Նոյեմբերի 20-ին 58 տարեկանում կորոնավիրուսից մահացել էր Սերժ Սարգսյանի կինը՝ Ռիտա Սարգսյանը:
