Չարորակ նորագոյացություններ ունեցող մարդիկ պետք է զգուշորեն օգտագործեն ռուսական «Sputnik V» պատվաստանյութը, հայտնում է «Գազետա.ռու»-ն՝ հղում անելով Gam-COVID-Vak պատվաստանյութի բժշկական կիրառման ձեռնարկի նոր տարբերակին:
Նշվում է, որ պատվաստումը կարող է ռիսկ առաջացնել մարդկանց որոշակի խմբերի համար`տեղեկատվության պակասի պատճառով:
«Պատվաստումը կարող է վտանգ ներկայացնել աուտոիմուն հիվանդություններով մարդկանց համար, քանի որ իմունային համակարգի խթանումը կարող է հանգեցնել հիվանդության սրացման, հատկապես աուտոիմուն պաթոլոգիա ունեցող հիվանդներին, որոնք ձգտում են զարգացնել ծանր և կյանքին սպառնացող պայմաններ։ Չարորակ նորագոյացություններ ունեցող մարդիկ ևս պետք է զգուշանան», — ասվում է հրահանգում:
Նշենք, որ Ռուսաստանը դարձավ աշխարհում առաջին երկիրը, որը գրանցեց COVID-19- ի դեմ պատվաստանյութ:
