Կան սննդամթերքի տեսակներ, որոնք նպաստում են կանանց գեղեցկության ու առողջության պահպանմանը, ուստի դրանք պետք է անպայման ներառվեն յուրաքանչյուր կնոջ սննդակարգում: Գիտնականները վստահ են, որ դրանք անփախարինելի են յուրաքանչյուրի համար, ուստի ձեր ուշադրությանն ենք ներկայացնում դրանցից ամենակարևորները:
Կաթնամթերք
Կանանց գեղեցկության ու առողջության համար ամենակարևոր տարրերից մեկը կալցիումն է, իսկ կաթնամթերքը համարվում է կալցիումի լավագույն աղբյուրներից մեկը: Կալցիումով հարուստ մթերքն ամրապնդում է ատամները, մկանները, մազերը, եղունգներն ու ոսկորները, ինչպես նաև կանխում մեջքի ու ողնաշարի հետ կապված խնդիրների առաջացումը:
Կարմիր ձուկ
Կարմիր ձկնատեսակները հարուստ են Օմեգա-3 ճարպաթթուներով, որոնք անփոխարինելի են կանանց օրգանիզմի համար: Մասնագետները խորհուրդ են տալիս շաբաթական առնվազն երկու անգամ կարմիր ձուկ ուտել, ինչը կօգնի կանխել կնճիռների առաջացումն ու թույլ կտա պահպանել դեմքի հստակ ուրվագիծը: Բանն այն է, որ այս ճարպաթթուները պահպանում են մաշկի պրկությունն ու առաձգականությունը և պաշտպանում են վնասվածքներից:
Վիտամին C-ով հարուստ մթերք
Վիտամին C-ն հզոր հակաօքսիդանտ է, որը երիտասարդացնող ազդեցություն է ունենում և բարելավում է մաշկի վիճակը: Բացի այդ, այս վիտամինն ամրապնդում է իմունային ու նյարդային համակարգերի աշխատանքը և խթանում է օրգանիզմի պաշտպանական գործառույթները:
Բրոկոլի
Կանանց խորհուրդ է տրվում շաբաթական առնվազն երկու անգամ բրոկոլի օգտագործել: Այս բանջարեղենը բարելավում է կանանց օրգանիզմի աշխատանքը, կանխում է վնասակար բակտերիաների բազմացումն ու նպաստում է երիտասարդության պահպանմանը:
Շոկոլադ
Գիտնականները շոկոլադը համարում են անփոխարինելի մթերք կանանց համար, սակայն խոսքը, որպես կանոն, մուգ շոկոլադի մասին է: Այս մթերքը հարուստ է մագնեզիումով, մանգանով, պղնձով, ցինկով ու ֆոսֆորով, իսկ այս միկրոտարրերը կարգավորում են կանանց օրգանիզմի հորմոնալ ֆոնը:
Նյութի աղբյուրը՝ medikforum.ru