Թեյը կարող է սպանել թքի մեջ եղած կորոնավիրուսը՝ եթե ըմպելիքը բերանում պահել 10 վայրկյան, ապա թքի նմուշում վիրուսը հնարավոր չի լինի գտնել: Սակայն, այս ազդեցությունը կարճատեւ է, եւ վիրուսի մասնիկները կվերականգնվեն մի քանի րոպեից: Այս հայտնագործությունը կատարել են ճապոնացի գիտնականները, որոնց եզրակացությունները հաստատել են նրանց ռուս գործընկերները, գրում է «Իզվեստիա» թերթը:
Դա բացատրվում է նրանով, որ թեյը պարունակում է նյութեր, որոնք կարող են ոչնչացնել վիրուսի շուրջ սպիտակուցը, որն օգնում է նրան թափանցել բջջի մեջ:
«Թեյը պարունակում է մասնիկներ, մասնավորապես՝ տանին: Դա հզոր գործակալ է, որն առաջացնում է սպիտակուցների ոչնչացում, այդ թվում՝ վիրուսային: Հետեւաբար, որքան թունդ է թեյը, այնքան ավելի շատ է տանինը, եւ բարձր է վիրուսի վրա ապաակտիվացման ազդեցությունը»,- ասել է ՄՊՀ Կենսաօրգանական սինթեզի արտադրանքի կենսատեխնոլոգիայի եւ տեխնոլոգիայի ամբիոնի դոցենտ Գեորգի Սուսլյանոկը:
Ըստ նրա՝ թեյի այս ազդեցության վրա ազդում է նաեւ նրա բարձր ջերմաստիճանը:
Հետազոտողները կարծում են, որ թեյի տերեւների մեջ պարունակվող հակաօքսիդիչներ կատեխինները կարող են ունենալ հակավիրուսային հատկություններ, որոնք մշակվելիս ստեղծում են կենսաբանորեն ակտիվ այլ նյութեր: Գիտափորձի արդյունքում գիտնականները պարզել են, որ սեւ թեյը իջեցնում է կորոնավիրուսի տիտրը մինչեւ աննկատելի: Այնուհետ ստացված նմուշներով մեկ այլ փորձանոթից փորձեեն վարակել բջիջները: Վերջնական նմուշում վիրուսի գրեթե ոչ մի մասնիկ չի հայտնաբերվել:
Գիտնականները նշում են, որ չափավոր քանակի թեյը անվնաս է, բայց կարիք չկա խոսել դրա օգուտների մասին կորոնավիրուսի բուժման կամ կանխարգելման համար: Բացի այդ, այս ըմպելիքի չափազանց շատ օգտագործումը հանգեցնում է ջրազրկման, իսկ վիրուսի համար ավելի հեշտ է կպչել չոր հյուսվածքներին:
