Եվրախորհուրդը մտադիր չԷ միջամտել կորոնավիրուսի դեմ չինական եւ ռուսաստանյան պատվաստանյութեր օգտագործելու հարցում Հունգարիայի մտադրությանը, քանի որ այն գտնվում Է Հունգարիայի կառավարության իրավասության մեջ: Այդ մասին հայտնել Է ԵԽ-ի մի պաշտոնյա:
«Որոշումն ընդունվել Է Հունգարիայի կառավարության կողմից, որը նաեւ ստանձնում Է ռիսկերը, որոնք կապված են այդ որոշման հետ»,-հունվարի 20-ին Բրյուսելում լրագրողներին ասել Է եվրոպացի բարձրաստիճան աղբյուրը՝ անունը չհայտնելու պայմանով: Նա պատասխանել Է այն հարցին, թե Եվրախորհուրդը, որը հունվարի 21-ին կազմակերպելու Է համավարակի դեմ պայքարին նվիրված պետությունների ու կառավարությունների ղեկավարների հերթական տեմախորհրդաժողովը, Հունգարիայից բացատրություններ կպահանջի արդյոք երկրում չինական եւ ռուսաստանյան պատվաստանյութեր օգտագործելու նրա որոշման վերաբերյալ:
«Մենք կտեսնենք, թե հետագայում ինչպիսին կլինեն այդ որոշման հետեւանքները: Մենք չպետք Է դատենք կամ որոշենք, թե այն լավն Է, թե վատ»,-շարունակել Է ԵԽ-ի պաշտոնյան: Դրա հետ մեկտեղ նա հաջողություն Է համարել ԵՄ-ի երկրների համատեղ պայմանավորվածությունն «աշխարհում ամենաարդյունավետ» արեւմտյան պատվաստանյութերի շուրջ, որոնք հաջողվել Է մշակել ամենակարճ ժամկետներում, հաղորդել Է «Ինտերֆաքս»-ը:
