Սուր շնչառական վարակներով պայմանավորված հիվանդացության ցուցանիշը, ի տարբերություն որոշ անձանց հայտարարությունների, ողջ Հանրապետությունում կազմում է 3,9 տոկոս։
Հաստանում սուր շնչառական վարակների տարածվածության, ներկիայիս սեզոնային իրավիճակի և դպրոցներում տիրող դրության մասին փետրվարի 10-ին «Ա1+»-ի տաղավարում խոսել է Առողջապահության նախարար Արսեն Թորոսյանը։
Նրա խոսքով՝ հիվանդությունների հետ կապված խուճապը, որն առաջացել է բնակչության շրջանում և դպրոցներում, անհիմն է։
«Դպրոցներում կա խուճապ, որն առաջացել է, թե՛ որոշ ծնողների միջոցով, թե՛ իշխանությունների ավագանու անդամների միջոցով, ինձ համար հասկանալի չէ, որովհետև նման տրամաբանությամբ կարելի է նույնիսկ չեղած հիվանդության մասին խուճապ տարածել։ Մենք անցյալ տարի ավելի վատ պատկեր ունեինք հիվանդացության ցուցանիշների վերաբերյալ»,- ասաց նախարարը։
Ինչ վերաբերում է սեզոնային վարակների տարածվածվածությամբ պայմանավորված դպրոցները փակելուն, նախարարը ընդգծեց, որ տվյալ պահին չկան հիմնավոր պատճառներ վերջիններս փակելու համար։
«Մենք չունենք այն ցուցանիշները, որոնց վրա հիմնվելով պետք է փակենք դպրոցները։ Դասապրոցեսը բնականոն հունով շարունակվում է։ Մենք ինքներս հորդորում ենք, որ հիվանդ երեխաները չայցելեն դպրոցներ։
Եվ պետք է նշել, որ դպրոցների մուտքի մոտ արդեն ֆիլտրներ են դրվել, որոնց միջողով հայտնաբերվում են հիվանդ երեխաները և ետ են վերադառնում տուն ։
Կարծում եմ` մոտ ապագայում այդ լարվածությունը կանցնի։
Լրագրողի այն հարցին, թե արդյո՞ք վարակների ներթափանցումը կարող ենք պայմանավորել կորոնավիրուսի հետ, թե՞ ոչ, Թորոյանը պատասխանեց․
«Պետք է ասեմ, որ մեկը մյուսի հետ կապ չունեցող երևույթներ են, և բարեբախտաբար մինչ օրս եղած կասկածելի կորոնավիրուսի դեպքերը հերքվել են։ Հիմա նույնիսկ կասկածելի դեպք չունենք և մեր հակահամաճարակային միջոցառումները թե՛ սահմանին, թե՛ Հայաստանի տարածքում տվել են իրենց արդյունքը, ու կարելի է ասել՝ այս պահին մենք զերծ ենք բարձր ռիսկից»,-եզրափակեց Արսեն Թորոսյանը։
Աննա Գալուստյան