ՀՀ նախագահի աշխատակազմը ստացել է ՀՀ վարչապետի առաջարկը՝ առողջապահության նախարարի պաշտոնում նշանակել Անահիտ Ավանեսյանին:
Այս մասին Armtimes․com-ի հետ զրույցում հայտնել է նախագահի օգնական Հասմիկ Պետրոսյանը:
Ավանեսյանը մինչ այժմ զբաղեցնում էր առողջապահության նախարարի առաջին տեղակալի պաշտոնը:
Հիշեցնենք, որ նախագահի աշխատակազմն այսօր ստացել էր առաջարկ՝ պաշտոնից ազատել նախարար Արսեն Թորոսյանին: Վերջինս, Armtimes․com-ի տեղեկություններով, նշանակվելու է ՀՀ վարչապետի աշխատակազմի ղեկավար՝ փոխարինելով Էդուարդ Աղաջանյանին: