2020 թվականի արցախյան պատերազմում հունվարի 15-ի դրությամբ վիրավորում ստացած անձանցից 119-ն է հաշմանդամության կարգ ստացել: Այս մասին MedMedia.am-ին հայտնեց Աշխատանքի և սոցիալական հարցերի նախարարության խոսնակ Զառա Մանուչարյանը։
«Պատերազմում վիրավորում ստացած անձինք, որոնց տրվել է հաշմանդամության խումբ 119-ն են, որից 35-ին՝ առաջին խումբ, 41-ին՝ 2-րդ խումբ, 43-ին՝ 3-րդ խումբ»,- հայտնեց նա։
Մանուչարյանը նաև տեղեկացրեց, որ նախարարությունը չի տարանջատում՝ հաշմանդամության խումբ ստացածներից քանիսն են ժամկետային զինծառայող, քանիսը՝ կամավորական կամ քաղաքացիական անձ։