Ինդոնեզիայի կառավարությունը բազմամիլիոնանոց լսարան ունեցող բլոգերներին ներառել է պատվաստումների առաջնահերթ խմբերի ցանկում:
Այս մասին հայտարարել է Ինդոնեզիայի առողջապահության նախարարության պաշտոնյա Նադիա Թարմիզին, գրում է Reuters-ը:
Նա բացատրել է,որ բլոգերներին դիտավորյալ են առաջին հերթին պատվաստման ներառել՝ 1.5 միլիոն բուժաշխատողների հետ միասին. դա «կառավարության ռազմավարություն է»: Իշխանությունները հույս ունեն, որ նրանց օրինակով երիտասարդներին կհամոզեն պատվաստվել:
Ինդոնեզացիները սոցիալական ցանցերի՝ Facebook, Twitter և Instagram, ամենամեծ օգտվողներից են: Զարմանալի չէ, որ կառավարությունը որոշել է ազդել հասարակության վրա հենց բլոգերների միջոցով:
Հեռուստահաղորդավար Րաֆֆի Ահմադն առաջիններից է, ով պատվաստվել է: Նա ունի գրեթե 50 միլիոն հետևորդ: Նա տեղադրել է իր պատվաստման մասին տեսանյութ և բաժանորդներին կոչ է արել չվախենալ պատվաստումներից: