ՌԴ առողջապահության նախարարությունը Գամալեյա կենտրոնին «Սպուտնիկ Լայթ» պատվաստանյութի հետազոտության թույլտվություն է տվել: Համապատասխան տեղեկատվությունը հրապարակվել է Ռուսաստանի առողջապահության նախարարության հետազոտությունների իրականացման թույլտվությունների պետական ռեգիստրի կայքում:
Նշվում է, որ հետազոտություններին կմասնակցի 150 կամավոր։ Միջոցառումներն անցկացվելու են երեք բժշկական կազմակերպություններում՝ ՌԴ առողջապահության նախարարության Մոսկվայի Ի.Մ. Սեչենովի անվան պետական բժշկական համալսարանում, «Էկո-անվտանգություն» գիտահետազոտական կենտրոնում և ՌԴ առողջապահության նախարարության Ա. Ա. Սմորոդինցևի անվան գրիպի գիտահետազոտական ինստիտուտում:
«Սպուտնիկ Լայթ» պատվաստանյութի մասին ավելի վաղ հայտնել էր Ռուսաստանի նախագահ Վլադիմիր Պուտինը։ Նրա խոսքերով ՝ տվյալ դեղամիջոցի գործողության տևողությունը քիչ կլինի, սակայն ավելի շատ մարդկանց պատվաստելու հնարավորություն կստեղծվի:
Ինչպես ավելի ուշ պարզաբանել է Գամալեյա կենտրոնի տնօրեն Ալեքսանդր Գինցբուրգ, «Սպուտնիկ Լայթ»-ի կիրառման իմունիտետը ձևավորվում է երեք շաբաթվա ընթացքում և կպահպանվի 3-4 ամսվա ընթացքում: Նման դեղամիջոցի կիրառման գլխավոր խնդիրն է նվազեցնել կորոնավիրուսային վարակից մահացությունների թիվը այն երկրներում, որտեղ մահացությունը շատ բարձր է։ Ընդ որում, Ռուսաստանում կկիրառվի ավանդական պատվաստումը երկու բաղադրիչներով։
