Մոսկվայի արևմուտքում գտնվող բազմահարկ շենքերից մեկի բնակարանում բռնկված հրդեհի հետևանքով 4 մարդ է զոհվել, «ՌԻԱ Նովոստի»-ին հայտնել են ՌԴ ԱԻՆ մայրաքաղաքի գլխավոր վարչության մամուլի ծառայությունից:
Նշվում է, որ հրդեհը բռնկվել է Բելովեժսկայա փողոցում գտնվող 22 հարկանի բնակելի շենքի 7-րդ հարկում գտնվող բնակարանում։
«Ցավոք, հրդեհի հետևանքով զոհվել է չորս մարդ։ Հրդեհը մարվել է»,- ասել է գործակալության զրուցակիցը։
Նա նաև հայտնել է, որ փրկարարներին հաջողվել է փրկել հինգ մարդու կյանք։ Հրդեհի բռնկման պատճառի մասին դեռևս չի հաղորդվում։
