Դեղերի եվրոպական գործակալությունը (EMA) թույլատրել է ԵՄ տարածքում հայազգի գործարար Նուբար Աֆեյանի Moderna ընկերության կողմից մշակված կորոնավիրուսի դեմ պատվաստանյութի օգտագործումը, այս մասին հաղորդում է CNBC-ն։
«Սա երկրորդ պատվաստանյութն է, որը հաստատվել է EMA-ի կողմից»,- ասվում է փաստաթղթում, որտեղ նշվում է, որ պատվաստանյութը խորհուրդ է տրվում օգտագործել 18-ից բարձր տարիքի անձանց։
Դեղերի եվրոպական գործակալության գործադիր տնօրեն Էմեր Քուկի խոսքով՝ «ընթացիկ արտակարգ իրավիճակը հաղթահարելու համար պատվաստանյութը ևս մեկ գործիք է հանդիսանում»։
Նա նաև նշել է, որ գործակալությունը կշարունակի հետևել ԵՄ-ի բնակիչների անվտանգության և պատվաստանյութի արդյունավետության մասին տվյալներին:
