Գիտնականները մշակել են նոր մեթոդ, որով հնարավոր է կանխատեսել աուտիզմը։ Սան Դիեգոյի Կալիֆոռնիական բժշկական համալսարանի մասնագետները նախաձեռնել են երեխայի ծնվելուց անմիջապես հետո՝ նրա արյունը վերլուծելով աուտիզմի սպեկտրի հիվանդությունների ախտորոշման փորձ։ Եթե նրանց հաջողվի նույնականացնել նյութափոխանակիչները և այլ տարրեր, որոնք ցույց են տալիս աուտիզմի զարգացման բարձր ռիսկ, դա թույլ կտա ժամանակին գործել և կիսով կրճատել աուտիզմի դեպքերի քանակը:
Երեխայի ծննդից անմիջապես հետո արյան անալիզի միջոցով գենետիկական խանգարումների ախտորոշումը սովորական պրակտիկա է ԱՄՆ-ում: Հետազոտողները ենթադրում են, որ այդպիսի փորձարկման շրջանակներում կարող է հայտնաբերվել նաև աուտիզմի սպեկտրի նախատրամադրվածություն:
