Առողջապահության նախարար Արսեն Թորոսյանը հանդիպել է Սթարքի լսողական հիմնադրամի տնօրինության հետ, տեղեկանում ենք նախարարության պաշտոնական կայքէջից: Վերջիններս ներկայացրել են հիմնադրամի կատարած աշխատանքները և հետագա պլանները, ինչպես նաև առաջարկել են ստեղծել լսողական առողջապահության ազգային ծրագիր։
Լսողական սարքերի արդյունաբերող ամերիկյան Սթարքի լսողական հիմնադրամը` «Արաբկիր» Միացյալ մանկական բարեգործական հիմնադրամի, պրոֆեսոր Արա Բաբլոյանի և ԱՄՆ-ից Քավուկչյան ընտանիքի հետ միասին 2015 թվականից որոշել են բարեգործական առաքելություն իրականացնել Հայաստանում՝ կարիքավոր անձանց ապահովելու լսողական սարքերով:
«Մենք հասկանում ենք, որ երկիրը ոչ միայն հումանիտար օգնության կարիք ունի, այլ նաև տեխնիկական և ռազմավարության զարգացման», — ասել է Արա Բաբլոյանը:
Մանրամասները նյութում` http://moh.am/#1/2224