Մեկնարկել է նոր տիպի կորոնավիրուսի դեմ նախատեսված պատվաստանյութի ներքին մատակարարումը, որն արտադրվել է Pfizer եւ BioNTech ընկերությունների կողմից։ Այս մասին հայտնում է The Wall Street Journal պարբերականը։ Ավելի քան կես միլիոն դոզա բաշխվելու է ԱՄՆ ողջ տարածքում գտնվող 145 առողջապահական դեպարտամենտներին եւ հիվանդանոցներին։
Հիշեցնենք, որ Միացյալ Նահանգները զբաղեցնում է առաջին տեղը կորոնավիրուսի վարակվածների թվով։ Այստեղ նոր տիպի կորոնավիրուսային ինֆեկցիայով վարակվել է ավելի քան 16 միլիոն մարդ։