Գյումրիում Հայ Կաթողիկե Աթոռանիստ Սրբոց Նահատակաց եկեղեցում հոկտեմբերի 29-ին ձեռամբ Հայր Գառնիկ Ծ. Վրդ. Հովսեփյանի, Տեր Գրիգոր Ավագ Քահանա Մկրտչյանի եւ Տեր Նարեկ Քահանա Թադևոսյանի մկրտվեցին հակամարտության պատճառով ժամանակավորապես Հայաստան տեղահանված 13 արցախցի: Ինչպես տեղեկացնում է «Արմենպրես»-ը, նրանք այն անձինք են, ում կեցության հարցը այս ընթացքում հոգում են «Հայկական Կարիտաս»-ն ու Հայ Կաթողիկե Առաջնորդարանը: