Գլխավոր էջ Նորություններ Տեղի է ունեցել Հայաստանի եւ Ռուսաստանի փոխվարչապետերի հանդիպումը

Տեղի է ունեցել Հայաստանի եւ Ռուսաստանի փոխվարչապետերի հանդիպումը

42
0

ՀՀ փոխվարչապետեր Մհեր Գրիգորյանը եւ Տիգրան Ավինյանն ընդունել են աշխատանքային այցով Երեւան ժամանած Ռուսաստանի կառավարական պատվիրակության անդամներին՝ ՌԴ փոխվարչապետեր Ալեքսեյ Օվերչուկի եւ Ալեքսեյ Նովակի գլխավորությամբ:

Հանդիպմանը մասնակցել է նաեւ Տարածքային կառավարման եւ ենթակառուցվածքների նախարար Սուրեն Պապիկյանը:

Հայկական կողմը շնորհակալություն է հայտնել ՌԴ կառավարությանը հրադադարի հաստատման գործում ներդրված ջանքերի, ինչպես նաեւ այժմ Արցախում ստեղծված հումանիտար աղետի հետեւանքների հակազդմանն ու չեզոքացմանն ուղղված միջոցառումներին ակտիվ մասնակցելու համար:

Կողմերը մանրամասն քննարկել են Արցախում բնականոն կենսագործունեության վերականգնման եւ տեղահանվածների ապահով ու արժանապատիվ վերադարձի կազմակերպման ուղղությամբ անելիքների ծրագիրը:

Հանդիպման մասնակիցները քննարկել են նաեւ տրանսպորտի, էներգետիկայի եւ գործարարության ոլորտներին առնչվող մի շարք հարցեր:

 

Թողեք մեկնաբանություն

ԹՈՂՆԵԼ ՊԱՏԱՍԽԱՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ