Հայաստանի Դեմոկրատական Կուսակցությունը դատապարտում է իշխանությունների ծրագրավորված դավաճանական գործողությունները, որի արդյունքում հայ ժողովուրդը նոր արհավիրքի զոհ դարձավ: Այս մասին ասված է ՀԴԿ-ի՝ ՀՀ նախգահ Արմեն Սարգսյանին ուղղված դիմումում:
Դիմումի մեջ նաեւ ասվում է.
«Մենք ունենք համոզիչ փաստեր, որ Փաշինյանի ստորագրությունը եռակողմ հայտարարության տակ որևէ իրավական հիմք չունի և ենթակա է չեղարկրման:
Վերջին տասնամյակների ընթացքում մեր ազգն նման ստորացուցիչ վիճակում չի եղել, այն էլ մեկ մարդու դրսից ուղղորդված քայլերի պատճառով:
Մենք պահանջում ենք այսօրվա կառավարության հրաժարականը:
ՀՀ նախագահ Արմեն Սարգսյանին առաջարկում ենք օգտվել իր ՝ պետության գլուխ սահմանադրական կարգավիճակից, քաղաքական ուժերի հետ խորհրդակցելուց հետո, ձևավորել ժամանակավոր իշխանություն: Այդ քայլը հրամայական է, կառավարությունը պառալիզացված է, այս իրավիճակից կարող են օգտվել սադրիչներ և ժողավրդի արդարացի ցասումը պատճառ կարող է դառնա վտանգավոր բախումների:
Մեկ բան բացահայտ է ՝ վարկաբեկված, Հայ ժողովրդին թուրքի կողմից ստորացրած անձը երկիր կառավարելու իրավունք չունի:
Իշխանությունը ժողովրդինն է և նա, որպես պետության տեր ու խորհրդանիշ նոր ընտրություններով կորոշի ում է վստահում երկրիր կառավարելու անբեկանելի իրավունքը:
Միասնություն, համերաշխություն, հանուն մեր ժողովրդի հաղթանակի:
