Կորոնավիրուսով վարակման հաստատված դեպքերի թիվն աշխարհում հասել է 43 մլն-ի, հայտնում է Ջոն Հոփկինսի համալսարանի կայքը, որն ամփոփում է դաշնային և տեղական իշխանությունների, ինչպես նաև լրատվամիջոցների ու այլ բաց աղբյուրների տվյալները:
Համալսարանի վերջին տվյալներով՝ աշխարհում կորոնավիրուսով վարակվածների թիվը հասել է 43 009 311-ի. մահացել է 1 153 861 պացիենտ: Մինչ օրս ապաքինվել է 28 մլն հիվանդ:
Հիշեցնենք, որ Առողջապահության համաշխարհային կազմակերպությունը նոր կորոնավիրուսային վարակի բռնկումը համավարակ է հայտարարել մարտի 11-ին։
