«Դեռևս ս.թ. սեպտեմբեր ամսին անդրադարձել եմ Արսեն Թորոսյանի և նրա ենթակաների կողմից ներհիվանդանոցային վարքականոնների խախտման, բժշկական արտահագուստ չկրելու, ասեպտիկա-անտիսեպտիկայի կանոնների խախտման դեպքերին։
Նկարներում հստակ երևում է, որ Արսեն Թորոսյանը գտնվում է մանկական վերակենդանացման բաժանմունքում, նորածնի անկողնու մոտ, վիրահատարանի շեմին` առանց պատշաճ ներհիվանդանոցային հագուստի, դիմակի, բժշկական գլխարկի և բժշկական կոշիկների կամ բախիլների։
Այս խմբակը, նմանօրինակ հակասանիտարական վիճակով «ներխուժելով» պերինատոլոգիայի և/կամ նորածնային վերակենդանացման բաժանմունքներ, լրջագույն վտանգ է սպառնացել մեր երեխաների կյանքի և առողջության համար` ենթադրաբար տարածելով հազար տեսակի վարակ։
Նկարներից կարող ենք մտածել, որ Թորոսյանը համայց է կատարել «Սուրբ Գ. Լուսավորիչ» ԲԿ-ում, քանզի նկարներում նրան ուղեկցում է նշածս ԲԿ-ի ղեկավարը։
Դիմելու եմ Առողջապահական և աշխատանքի տեսչական մարմին` նշված իրավախախտման կապակցությամբ Արսեն Թորոսյանի և Արման Հովակիմյանի նկատմամբ վարույթ հարուցելու պահանջով։
Հ.Գ. Այս բոլոլայի փոխարեն ընդամենը պետք էր նորածնի լույս աշխարհ գալը շնորհավորել և շնորհակալություն հայտնել բոլոր այն բուժաշխատողներին, ովքեր ամեն օր կյանք են պարգևում !!»:
Գրառումը՝ Մարինա Խաչատրյանի ֆեյսբուքյան էջից: