ՊՆ ներկայացուցիչ Արծրուն Հովհաննիսյան այսօր՝ հոկտեմբերի 22-ի ճեպազրուցում հայտնեց, որ ողջ օրվա ընթացքում հակառակորդը Արցախի ամբողջ սահմանի երկայնքով շարունակել է հարձակողական գործողությունները:
«Ակտիվ է եղել ինչպես հյուսիսային ուղղությունը, այնպես էլ՝ կենտրոնական և հարավային ուղղությունները: Կենտրոնական հատվածում մարտական գործողություններ են ընթացել կոնկրետ բնակավայրերի ուղղությամբ: Այդ մարտական գործողությունները, օջախային մարտերը, իրենցից, ըստ էության ներկայացնում են տարբեր դիվերսիոն խմբերի ներթափանցումներ կոնկրետ փոքր բնակավայրեր և ճանապարհային-հանգուցային կետեր, այս պահին էլ շարունակվում են»,-նշեց նա:
