Կալցիումի պակասը օրգանիզմում բավականին տարածված խնդիր է: Միջին տարիքի օրգանիզմը օրական պետք է ստանաՄեծահասակները 1000 մգ կալցիում, իսկ 60 տարեկանից հետո `1200 մգ կալցիում:
Օրգանիզմի համար կալցիումի բավարար քանակ ապահովել հնարավոր է առողջ և հավասարակշռված դիետայով, սակայն այսօր քչերն են հետևում առողջ սննդակարգի: Շատերը նախընտրում են արագ սնունդը, որը հարուստ չէ կալցիումով և այլ առողջ սննդանյութերով:
Ինչպիսի՞ նախանշաններն են փաստում, որ ձեր օրգանիզմը ունի կալցիումի պակաս:
Դող
Օրգանիզմում կալցիումի պակասի դեպքում առաջանում է դող ոտքերի շրջանում, հատկապես գիշերը: Եթե ձեզ մոտ վերջին շրջանում անընդհատ նկատվում է ոտքերի դող, ապա պետք է ստուգել կալցիումի քանակը օրգանիզմում և ավելացնել կալցիում պարունակող մթերքների քանակը՝ կաթնամթերք, պանիր, քունջութ, մաղադանոս, ընդեղեն և այլն:
Ատամների և եղունգների հետ կապված խնդիրներ
Կալցիումը անհրաժեշտ է ատամների, եղունգների և մազերի աճի ու առողջության համար: Եթե կա կալցիումի պակաս, ապա վաղ թե ուշ ձեզ մոտ խնդիրներ կառաջանան ատամների, եղունգների մազերի հետ կապված:
Մատների թմրություն
Մատների արանքում կամ վերջնամասերում թմրություն, ցավ, անզգայունություն. այս ամենը կարող է լինել կալցիումի պակասի հետևանք:
Խնդիրներ քնի հետ կապված
Կալցիումի պակասը կարող է նաև առաջացնել քնի հետ կապված խնդիրներ, մասնավորապես անքնություն: Իհարկե, անքնությունը կարող է լինել այլ խանգարումների հետևանք, այդ իսկ պատճառով, եթե երկար ժամանակ լավ չեք քնում կամ ունեք բացարձակ անքնություն, ապա պետք է խորհրդակցեք բժշկի հետ:
Հիշողության խանգարում
Մոռացկոտությունը, հիշողության խանգարումը նույնպես կարող են օրգանիզմում կալցիումի պակասի հետևանք լինել:
Նյութի աղբյուրը՝ med2.ru
