Ամանորին ընդառաջ ՀՀ առողջապահական և աշխատանքի տեսչական մարմինը հորդորում է հետևել առողջության, հիգիենայի ու անվտանգության կանոններին։ Երբեմն դրանք թվում են պարզունակ, սակայն փաստ է՝ սննդային թունավորումներն ամանորյա ամենահաճախ հանդիպող խնդիրներից են, ուստի ԱԱՏՄ-ն հիշեցնում է՝
1. Հիգիենայի մասնագետները վարակների տարածման գործում կարևոր նշանակություն են տալիս ձեռքերի մաքրությանը։
2. Խուսափեք շատ ու խառը ուտելուց։ Հիշեք՝ միաժամանակ տարբեր սննդատեսակներ իրար խառնելը կծանրացնի օրգանիզմի աշխատանքը։ Լավ է ուտել քիչ, բայց հաճախ:
3. Օրվա ընթացքում պատրաստի սնունդը սեղանին մի թողեք․ պահպանեք այն սառնարանում կամ սառցարանում։
4. Հիշե՚ք՝ սննդամթերքի արտաքին տեսքի և համի փոփոխությունը վկայում է դրա օգտագործման անպիտան լինելու մասին։
5. Զերծ մնացեք տնային պայմաններում պատրաստված պահածոների օգտագործումից, դրանք անվտանգ չեն։
6. Հարկ է առանձնապես ուշադիր լինել սունկ գնելիս՝ թունավորումից խուսափելու համար։ Այն պետք է գնել խանութներից՝ համապատասխան պիտակավորումով փաթեթավորված։
7. Հիշեք՝ ալկոհոլը ջրազրկում է օրգանիզմը։ Եթե դուք կարճ ժամանակի ընթացքում օգտագործում եք ալկոհոլի մեծ քանակ ու տարբեր տեսակի խմիչքներ, լյարդը կարող է և չհասցնել լիարժեք մաքրել արյունը: Սա դառնում է ալկոհոլային թունավորման կամ ալկոհոլային գերդոզավորման պատճառ:
8. Մայոնեզով ու թթվասերով պետք է համեմել աղցանների բացառապես անհրաժեշտ չափաբաժինը՝ անմիջապես մատուցելուց առաջ։
9. Օգտագործեք միայն մաքուր լվացված մթերք։
10. Սննդամթերք գնելիս մի մոռացեք ուշադրություն դարձնել պահպանման պայմաններին ու ժամկետին։
