Արտեմ Միկոյանի անվան թիվ 166 դպրոցում առաջին դասարանի 3 դասվարի մոտ կորոնավիրուսի թեստը դրական է եղել։ Այս մասինNEWS.am-ի հետ զրույցում ասաց ԿԳՄՍ նախարարության հասարակայնության հետ կապերի և տեղեկատվության վարչության պետի տեղակալ Օֆելյա Կամավոսյանը։
«Այն դասարանները, որտեղ իրենք դասավանդել են, անցել են հեռավար ուսուցման։ Բնականոն դասապրոցեսը դպրոցում շարունակվում է, 40 բացակա է եղել 500 հոգուց »,-ասաց նա։
Օֆելյա Կամավոսյանի խոսքով ՝ Հայաստանի տարբեր մարզերում էլի կան կորոնավիրուսով վարակման դեպքեր դպրոցներում, օրինակ` Տավուշի մարզի Նոյեմբերյան քաղաքի հիմնական դպրոցում ևս գրանցվել են դեպքեր։
Վարակման այս դեպքերը,նրա խոսքով, դպրոցները ժամանակավորապես փակելու հիմք չեն հանդիսանա:
Աղբյուր՝ news.am
