«Նորքի անձնակազմին ուշացած պարգև կտան»․ Էդուրադ Հովհաննիսյան

Հիշու՞մ եք, մի քանի ամիս առաջ ֆլեշմոբ էր սկսվել, բոլորը ծափահարում էին բուժաշխատողներին: Իսկ բուժաշխատողը այդ ժամանակ քմծիծաղով հիշում էր տարիներ շարունակ հնչեցված «բժիշկները սպանեցին», «սպիտակ խալաթավոր կաշառակեր», «արա դու Հիպոկրատի երդում ես տվել» և շատ-շատ նման արտահայտություններ, որ սովորական էին դարձել արդեն բժշկի հասցեին հնչեցնելու համար: Էլ չեմ ասում բժիշկին ծեծել, հայհոյել և այլն: Շատ քիչ ժամանակ անցավ այն ծափահարություններից և նորից լսում ենք մեր Հայաստանի լավագույն բժիշկներից մեկի հասցեին՝ «սպանեց», COVID-19-ի դեմ ծանրագույն պայքար մղած անձնակազմին անտեսում են, համաշխարհային ճանաչում ունեցող բժշկական անձնակազմը ստիպված է ազատման դիմում գրել, որ պահպանի իր ղեկավարին աշխատանքից ազատումից:

Գիտե՞ք ինչ՝ Ա․Սիրունյանը կապացուցի, որ ճիշտ էր, Արյունաբանականը կշարունակի իր ազգանվեր աշխատանքը, Նորքի անձնակազմին ուշացած պարգև կտան, ինչպես միշտ կասեն «իրենց համար մի ուրիշ բան էինք մտածել, էսպես ստացվեց ուղղակի, կներեք», կամ «կներեք» էլ չեն ասի:

Արդյունքում ԲԺԻՇԿԸ կմնա ԲԺԻՇԿ, իսկ դուք կմնաք ԱՆՇՆՈՐՀԱԿԱԼ: Իսկ եթե երկար մնաք այդպիսին, ապագայում բժիշկ չեք ունենա, որ ձեզ բուժի՝ անշնորհակալ գործ է:

Իսկ բժիշկներին կրկին կոչ կանեմ,

ՄԻԱՎՈՐՎԵ՛Ք,

ՁԱ՛ՅՆ ՀԱՆԵՔ,

ՊԱՇՏՊԱՆԵ՛Ք ՁԵԶ,

ՊԱՀԱՆՋԵ՛Ք, ՈՉ ԹԵ ԽՆԴՐԵՔ» ։