Այսօր՝ սեպտեմբերի 22-ին, ԱԺ-ում լրագրողների հետ զրույցում ԱԺ «Իմ քայլը» խմբակցության ղեկավար Լիլիթ Մակունցն անդրադառնալով շրջանառվող տեղեկություններին, որ «Իմ քայլի» մի շարք պատգամավորներ հնարավոր է վայր դնեն մանդատը, այդ թվում՝ Գայանե Աբրահամյանը, Հովհաննես Հովհաննիսյանը, Համազասպ Դանիելյանը, Լուսինե Բադալյանը:
«Ինձ հետ անձամբ եղել են աշխատանքային քննարկումներ, մնացյալ հարցերը, որոնք առնչվում են առանձին պատգամավորների, խնդրում եմ ուղղել հենց իրենց»,-ասաց նա։
Մակունցը նաև տեղեկացրեց, որ խմբակցությունում որևէ լուրջ խնդիր չկա․«Մենք պետք է համակերպված լինենք, որ մեր խմբակցությունում տարբեր հարցերի հետ կապված կարող են լինել տարբեր մոտեցումներ, ես այդտեղ խնդիր չեմ տեսնում»:
Հարցին, թե այնուամենայնիվ հնարավո՞ր է, որ առաջիկայում մանդատը վայր դնողներ լինեն, նա պատասխանեց. «Մենք բռնապետական համակարգում չենք և ես որևէ կերպ որևէ պատգամավորի փոխարեն իր մանդատի հետ կապված չեմ կարող ոչ կարծիք հայտնել, ոչ որոշում կայացնել»:
Մանրամասները՝ տեսանյութում։
Լուսինե Մարդոյան
