Գլխավոր էջ Նորություններ Ռևմատոիդ արթրիտը մեծացնում է շաքարախտի ռիսկը

Ռևմատոիդ արթրիտը մեծացնում է շաքարախտի ռիսկը

96
0

Ռևմատոիդ արթրիտի ժամանակ 2-րդ տիպի շաքարախտի զարգացման ռիսկը 23 տոկոսով մեծանում է: Այս մասին նշվում է նոր հետազոտության մեջ, որի արդյունքները ներկայացվել են Դիաբետի ուսումնասիրության եվրոպական ասոցիացիայի (EASD) տարեկան ժողովում:

Ըստ գիտնականների` շաքարախտի եւ ռեւմատոիդ արթրիտի կապը կարող է բացատրվել այն փաստով, որ երկու հիվանդությունների դեպքում էլ օրգանիզմում բորբոքային պրոցեսներ են լինում:

Հետազոտությունն անցկացվել է Զիքսինգ Թիանի եւ դոկտոր Ադրիան Հիլդի եւ նրանց գործընկերների կողմից Մանչեսթերի համալսարանից: Նրանք մինչեւ 2020 թվականի մարտի 10-ը բժշկական եւ գիտական ​​տվյալների բազաներում որոնել են այն հետազոտությունները, որոնք համեմատում են 2-րդ տիպի շաքարախտը ՌԱ-ով հիվանդ մարդկանց շրջանում ընդհանուր բնակչության շրջանում շաքարախտի վտանգի հետ: Ընտրված համապատասխան հետազոտություններն ընդհանուր 1.6 միլիոն մասնակից են ընդգրկել:

Հեղինակները պարզել են, որ ռեւմատոիդ արթրիտի առկայությունը 23 տոկոսով կապված էր 2-րդ տիպի շաքարախտի զարգացման հետ` ընդհանուր բնակչության շրջանում շաքարախտի զարգացման ռիսկի համեմատ:

Թողեք մեկնաբանություն

ԹՈՂՆԵԼ ՊԱՏԱՍԽԱՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ