Հայ արտադրողներն այլևս ստիպված չեն լինի Ռուսաստանում գրանցել ախտահանող միջոցները: Այս մասին այսօր, ԱԺ նիստում հայտարարել է ՀՀ առողջապահության փոխնախարար Անահիտ Ավանեսյանը:
Նրա խոսքով՝ արտադրողները կարող են դա անել Հայաստանում՝ վճարելով միայն պետական տուրքը:
Դա, փոխնախարարի կարծիքով, արտադրողներին թույլ կտա տնտեսել զգալի միջոցներ, պետությունը ևս կշահի դրանից:
«Այժմ այդ խնդիրը լուծված է: Տվյալ օրենսդրական նախաձեռնությունը բխում է արտադրողների շահերից»,-նշեց փոխնախարարը: