«Մենք ունենք դիտարկումներ, նույն դիտարկումները կան արտասահմանում, այն մասին, որ կորոնավիրուսային վարակից բուժված անձը մինչև 90 օր կարող է վիրուսը տարածել։ Մեր դիտարկումները Ռուսաստանի Դաշնությունում ՝ ընդհուպ մինչև 48 օր, իսկ արտասահմանում՝ մինչև 90 օր։ Մարդը, որ չունի ախտանիշներ, իրեն լավ է զգում, բոլոր ցուցանիշներն ու արյունը հրաշալի են, բայց վիրուսը քթից տարածվում է»,- ասել է Պոպովան:
Ավելի վաղ բժշկական գիտությունների դոկտոր, վարակաբան Անատոլի Ալթշտեյնը РИА Новости-ին ասել է, որ միանգամայն հնարավոր է վարակվել այն անձից, որն արդեն հիվանդ է եղել կորոնավիրուսով. որպես կանոն, նա դեռ վիրուս է տարածում առնվազն ևս երկու շաբաթ:
Նա նաև նշել է, որ նույնիսկ պատվաստումից հետո կրկին վարակվելու հավանականությունը բացառող երաշխիքներ չկան:
«Նույնիսկ եթե մարդիկ պատվաստվում են, նրանք դեռևս պետք է պահպանեն բոլոր հակահամաճարակային ցուցումները: Պատվաստումը միայն մեծացնում է վստահությունը, որ նրանք չեն հիվանդանա»,- ընդգծել է փորձագետը: