Գլխավոր էջ Նորություններ Ո՞ր բանջարեղեններն են նպաստում նիհարելուն

Ո՞ր բանջարեղեններն են նպաստում նիհարելուն

69
0

Նիհարողներին անհրաժեշտ է բավարար քանակությամբ բանջարեղեն ուտել, ինչպես կարծում է սննդաբան Նատալյա Պուգաչովան (Ռուսաստան): Բջջանյութի պարունակության շնորհիվ այս մթերքները լցնում են ստամոքսը եւ հագեցածության զգացում են առաջացնում: Բացի այդ, դրանք ունեն ցածր կալորիականություն եւ հարուստ են առողջության համար օգտակար վիտամիններով եւ հանքանյութերով:

Ինչպես պատմում է «Կոմսոմոլսկայա պրավդա» թերթը, սննդաբանը խորհուրդ է տալիս օրական երեք անգամ մոտ 300 գրամ բանջարեղեն օգտագործել: Նիհարել ցանկացող մարդկանց համար իդեալական են թարմ կանաչիները (ինչպիսին է այսբերգ սալաթը, հազարը, ռուկոլան, սպանախը եւ նեխուրը): Օգտակար են նաեւ կաղամբի բոլոր տեսակները (սպիտակ, կարմիր, բրոկոլի, բրյուսելյան, ծաղկակաղամբ), քանի որ այն ցածր կալորիականությամբ մթերք է, որն օրգանիզմը ապահովում է վիտամիններով եւ հանքանյութերով:

Նիհարելու համար օգտակար բանջարեղենի ցանկում ընդգրկվել է նաեւ վարունգը:

«Դրանք նույնպես ցածր կալորիականություն ունեն՝ 100 գրամում ընդամենը 15-16 կալորիա»,- ասել է մասնագետը: «Ջրի եւ կալիումի (բնական միզամուղ ազդեցություն) բարձր պարունակությունը թույլ են տալիս չսահմանափակել այս բանջարեղենը սննդակարգում»:

Սննդաբանը խորհուրդ է տալիս ավելի հաճախ օգտագործել բազուկ, որը պարունակում է ընդամենը 40-50 կալորիա՝ 100 գրամում: Ինչպես հում, այնպես էլ եփած բազուկը բարձրացնում է դիմացկունությունը եւ արդյունավետորեն վերահսկում է քաղցի զգացումը, ավելին՝ այն նպաստում է աղիների ճիշտ աշխատանքին, ասել է նա:

Թողեք մեկնաբանություն

ԹՈՂՆԵԼ ՊԱՏԱՍԽԱՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ