Գլխավոր էջ Վնասի նվազեցում Որո՞նք են սրտի համար ամենաօգտակար մթերքները

Որո՞նք են սրտի համար ամենաօգտակար մթերքները

338
0

Կյանքի ժամանակակից ռիթմը և անառողջ սնունդը բացասաբար են ազդում սիրտ-անոթային համակարգի վիճակի վրա: Սննդաբան Ֆաթմա Բայսալ Յուսուֆը կարծում է, որ ճիշտ սնունդը առողջ սրտի բանալին է, և նշել է այն կերակուրները, որոնք պետք է ներառվեն սննդակարգում: Այս մասին հայտնում է Sözcü թերթը:

Ըստ բժշկի՝ սխտորը բարենպաստ ազդեցություն ունի արյան անոթների վրա և նվազեցնում է սրտանոթային հիվանդությունների հավանականությունը: Յուսուֆը խորհուրդ է տալիս ամեն օր ուտել մեկ պճեղ մանրացրած սխտոր:
Ձուկը և ձկան յուղերը կանխում են արյան թրոմբները, իսկ դրա մեջ պարունակվող օմեգա-3 ճարպաթթուներն ունեն բարձր հակաօքսիդային հատկություններ: Բժիշկը խորհուրդ է տալիս ուտել խորոված կամ շոգեխաշած ձուկ:

Ընկույզն ու պնդուկը հարուստ են օմեգա -3 թթուներով և վիտամին E- ով, որոնք ունեն բարձր հակաօքսիդային հատկություններ: Դրանք հարուստ են նաև մագնեզիումով և բջջանյութով: Յուսուֆը խորհուրդ է տալիս ուտել վեցից յոթ պնդուկի միջուկ և երկու-երեք ընկույզ՝ շաբաթական երեք անգամ:

Կտավատի սերմերը նույնպես նվազեցնում են սիրտ-անոթային հիվանդությունների հավանականությունը: Բժիշկը խորհուրդ է տալիս օրական մեկ ճաշի գդալ թարմ աղացած կտավատի սերմեր ուտել՝ դրանք ավելացնելով այնպիսի մթերքներին, ինչպիսիք են յոգուրտը կամ ապուրը:

Վարսակի, աշորայի և ամբողջական հացահատիկի ալյուրը օգտակար են առողջության համար B և E վիտամինների շնորհիվ:
Կանաչ թեյը կանխում է սիրտ-անոթային հիվանդությունների զարգացումը`կապված պոլիֆենոլների պարունակության հետ, որոնք ունեն հակաօքսիդային հատկություններ: Բժիշկը խորհուրդ է տալիս սև թեյն ու սուրճը փոխարինել այդ ըմպելիքով: Բացի այդ, դուք կարող եք խմել եղեսպակի կամ երիցուկի թեյ:

Յուսուֆը նշել է նաև կարմիր խաղողի, լոլիկի և ձմերուկի օգտակար հատկությունները, որոնք ևս ունեն հակաօքսիդային հատկություններ:

ԹՈՂՆԵԼ ՊԱՏԱՍԽԱՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ