ՌԴ նախագահ Վլադիմիր Պուտինն ու Սաուդյան Արաբիայի թագավոր Սալման Բին Աբդել Ազիզ Ալ Սաուդը քննարկել են կորոնավիրուսի դեմ պատվաստանյութի համատեղ արտադրությունը, հաղորդում է Կրեմլի կայքը:
Հաղորդվում է, որ քննարկվել են նաեւ համաշխարհային տնտեսության եւ ֆինանսների համար պանդեմիայի բացասական հետեւանքների հաղթահարման հարցով կոլեկտիվ ջանքերը: Հատկապես ուշադրություն է հատկացվել Ռուսաստանում մշակված պատվաստանյութի համատեղ արտադրության հեռանկարներին:
«Երկու կողմերը բավարարություն են հայտնել ՕՊԵԿ+ ձեւաչափով պայմանավորվածությունների իրականացման ընթացքի կապակցությամբ, որը թույլ է տալիս կայունացնել իրավիճակը համաշխարհային էներգետիկ շուկաներում: Անդրադարձ է կատարվել երկկողմ համագործակցության տարբեր հարցերին: Հաստատվել է երկկողմ տրամադրվածությունը առեւտրատնտեսական եւ ներդրումային ոլորտներում կապերի ընդլայնմանը»,-ասվում է Կրեմլի հաղորդագրության մեջ: