Սյուզաննա Պատվականյանի և նրա շահերի ներկայացուցիչ, փաստաբան Մարատ Կոստանյանի հաղորդման հիման վրա Նոր Նորք վարչական շրջանի ընդհանուր իրավասության առաջին ատյանի դատարանում արդեն երրորդ անգամ շարունակվում է Պատվականյանի դատական նիստն ընդդեմ Երևանի Աջափնյակ և Դավթաշեն վարչական շրջանների դատախազ Ա․ Արսենյանի և քննիչ Զ․ Կարապետյանի դեմ, որն ուղղված է ապօրինի որոշումները վերացնելուն։ Դիմումով հայտնվել էր, որ քսան տարի առաջ փետրվարի 16-ին Պատվականյանը «Արմենիա» բուժկենտրոնում ունեցել է դուստր և ինրչպես նա է փաստում՝ երեխայի որդեգրման գործընթացում տեղի են ունեցել խախտումներ։ Իր բնութագրմամբ՝ դատական համակարգի բացթողումների հետևանքով իրենից խլել են իր Ստելլային։
Պատվականյանը վստահեցնում է՝ ովքեր փորձում են կոծկել ապօրինությունները պետք է պատասխան տան, ինքը չի պատրաստվում նահանջել, ավելին, վստահ է, որ արդեն 20 ամյա դստերը գտնելու է և հայ մայրերով պետք է հասնեն նրան, որպեսզի բոլոր նրանք, ովքեր ժամանակին զբաղվել են երեխաների ապօրինի առք ու վաճառքով՝ պատժվեն։
Մանրամասները՝ տեսանյութում
Սյուզի Ասատրյան