Գլխավոր էջ Վնասի նվազեցում Ինչ պարագաներ պետք է տեղ գտնեն դեղատուփում, երբ կարևոր է ամեն վայրկյանը

Ինչ պարագաներ պետք է տեղ գտնեն դեղատուփում, երբ կարևոր է ամեն վայրկյանը

890
0

Առողջության համար վտանգավոր յուրաքանչյուր իրավիճակ հնարավոր է մեղմել, եթե ճիշտ ժամանակին ցուցաբերվի ճիշտ օգնություն: Նմանատիպ օգնության գլխավոր բաղադրատար է համարվում դեղատուփը, որը պետք է ունենալ ինչպես տանը, այնպես էլ ավտոմեքենայում:

Կարևոր է իմանալ նաև, թե ինչպիսի պարագաներ պետք է տեղ գտնեն դեղատուփում:

Անհրաժեշտ է ունենալ ստերիլ փաթեթավորված բինտ կամ անձեռոցիկ, որը պիտանի է երկար պահպանման համար։ Ոչ ստերիլ փաթեթավորման բինտը նունպես անհրաժեշտություն է, քանի որ այն շատ հարմար է հարբուխի ժամանակ` որպես մեկ անգամ օգտագործվող թաշկինակ, կամ էլ որպես այունահոսություն կանգնեցնող սեղմիչ։

Առաջին անհրաժեշտության պարագաներից են նաև.

1.ստերիլ և ոչ ստերիլ բամբակը,

2.սովորական և հականեխիչ կպչուն ժապավենը,

3.կաթոցիչը,

4.քսուքների համար նախատեսված փոքրիկ թիակները,

5.սնդիկային ջերմաչափը,

6.ներշնչակը՝ քիթ-կոկորդային հիվանդությունների համար:

7.Յոդը, որը կկիրառվի մանր վնասվածքների ախտահանման և տարբեր նպատակների համար (սրսկումից առաջացած կոշտուկների, նյարդի բորբոքման և այլն)։ Մեծ տրամաչափի և խորը վերքերի դեպքում այն մշակում են յոդով` միայն եզրերից, որպեսզի չգրգռվի առանց այն էլ վնասված հյուսվածքը (այլընտրանք է Բետադինի լուծույթը, որով մշակում են նույնիսկ բաց վերքերը և սեռական օրգանները):

8.Զմրուխտ-կանաչ լուծույթը (Зелёнка), որն օգտագործվում է վերքերի և ջրծաղիկի հետևանքով առաջացած բշտիկների մշակման համար:

9.Կալիումի մանգանաթթուն (մարգանցովկա), որի նոսր լուծույթնը օգտագործվում է թունավորման կասկածի ժամանակ` ստամոքսի և աղիների լվացման նպատակով։ Իսկ խիտ լուծույթով մշակում են խիստ աղտոտված վերքերը:

10.Մանանեխի կպչանը, ջերմակը, սառույցի պարկը, հոգնայի պիտույքը, ջուր չներծծող տակաշորը, բժշկական ձեռնոցները, զարկերակային ճնշում չափելու սարքը, ֆոնենդոսկոպը, միանվագ օգտագործման ներարկիչները, պինցետը, բութ ծայրով մկրատը, ախտահանման տուփը և այլն։

Թվարկածը` փաթեթի նվազագույն և մշտական պարունակությունն է, որին յուրաքանչուր անհատ կավելացնի իրեն անհրաժեշտ դեղերը, մանավանդ, երբ խոսքը վերաբերում է քրոնիկ հիվանդություններով տառապող անձանց։

Արգելվում է փոքր երեխաներին բուժել մեծահասակների համար նախատեսված դեղամիջոցներով։ Մանուկներին պետք է հատկացվի առանձին դեղատուփ, որի պարունակությունը պետք է ընտրվի բժիշկի խորհրդով։

 

ԹՈՂՆԵԼ ՊԱՏԱՍԽԱՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ